ಸನಾತನದೊಳಗೇನಿದೆ? (ಪ್ರಹಸನ – 60)

 (ಪ್ರಹಸನ – 60)

ಸನಾತನದೊಳಗೇನಿದೆ?

************************

ಹೆಂಡತಿ : ರೀ ಈ ಸನಾತನ ಧರ್ಮ ಅಂದ್ರೆ ಏನದು? ಟಿವಿ ಹಾಕಿದ್ರೆ ಸಾಕು ಬಾಯಿಬಡ್ಕೊತಿದ್ದಾರಲ್ಲಾ. 

 

ಗಂಡ : ಪುರಾತನ ಕಾಲದಲ್ಲಿದ್ದದ್ದೇ  ಸನಾತನ

 

ಹೆಂಡತಿ : ಹೋ.. ಯಾವುದೋ ಕಾಲದಲ್ಲಿ ಇದ್ದ ಧರ್ಮ ಈಗಲೂ ಇರಬೇಕಾ? ಕಾಲ ಬದಲಾದಂಗೆ ಎಲ್ಲವೂ ಬದಲಾಬೇಕಲ್ವೇನ್ರೀ..

 

ಗಂಡ : ಹೌದು ಕಣೆ.. ಬದಲಾವಣೆ ಜಗದ ನಿಯಮ. ಆದರೆ ಈ ಜಾತಿ ಧರ್ಮ ಅಂತಾ ಏನಿದೆಯಲ್ಲಾ ಇದು ಮಾತ್ರ ಬದಲಾಗೋದಿಲ್ಲ ನೋಡು. 

 

ಹೆಂಡತಿ : ಸನಾತನ ಧರ್ಮ ಅಂದ್ರೆ ಡೆಂಗ್ಯೂ ಕೋವಿಡ್ ತರ ರೋಗ ಅಂತೆ ಹೌದೇನ್ರೀ.‌ 

 

ಗಂಡ : ಅದಕ್ಕಿಂತಾ ಭಯಂಕರ ಕಣೆ. ಈ ರೋಗಗಳಿಗೆ ಚಿಕೆತ್ಸೆನಾದರೂ ಇದೆ. ಆದರೆ ಈ ಧರ್ಮದ ಹುಚ್ಚು ಹೆಚ್ಚಾದವರಿಗೆ ಚಿಕೆತ್ಸೆನೂ ಇಲ್ಲಾ. ಧರ್ಮದ ವಿರುದ್ದ ಯಾರೇ ಮಾತಾಡಿದ್ರೂ ಕಚ್ಚಲು ಬರ್ತಾರೆ. 

 

ಹೆಂಡತಿ : ಅಂದ್ರೆ ರೇಬಿಸ್ ರೋಗ ಅಂತೀರಾ? ಹಚ್ಚಿಸಿಕೊಂಡವರಿಗೆಲ್ಲಾ ಹುಚ್ಚರಾಗಿ ಸಾಯ್ರಾರಾ?

 

ಗಂಡ : ರೇಬಿಸ್ ಗೂ ಚುಚ್ಚುಮದ್ದಿದೆ ಆದರೆ ಧರ್ಮಾಂಧತೆಗೆ ಇಲ್ಲಾ ಕಣೆ. ಉದಾಹರಣೆಗೆ ಸನಾತನ ಧರ್ಮ ನಿರ್ಣಾಮ ಆಗಬೇಕು ಅಂತಾ ಉದಯಗಿರಿನೋ ಇನ್ಯಾರೋ ಹೇಳಿದ್ರು ಅನ್ಕೋ. ಈ ಧರ್ಮಾಂಧರಿಗೆ ಹುಚ್ಚು ಕೆರಳಿ ಮೈಯೆಲ್ಲಾ ಪರಚಿಕೊಳ್ಳುತ್ತಾರೆ. ಸನಾತನದ ವಿರುದ್ದ ಮಾತಾಡಿದವರ ತಲೆ ಕಡೆದವರಿಗೆ ಹತ್ತು ಕೋಟಿ ಬಹುಮಾನ ಘೋಷಣೆ ಮಾಡ್ತಾರೆ. ಸನಾತನಿಗಳು ಒಂದಾಗಿ ವಿರೋಧಿಸಿದವರನ್ನು ನಿಂದಿಸಲು ಆರಂಭಿಸುತ್ತಾರೆ.

 

ಹೆಂಡತಿ : ಹಂಗಾದ್ರೆ ಇದು ಭಾರೀ ರೋಗಗ್ರಸ್ತ ಧರ್ಮವೇ ಇರಬೇಕು ಅಲ್ವೇನ್ರೀ. ಅಷ್ಟಕ್ಕೂ ಸನಾತನದಲ್ಲಿ ಏನಿದೆ ಅದನ್ನಾದ್ರೂ ಹೇಳ್ರಿ.

 

ಗಂಡ : ಏನೂಂತಾ ಹೇಳ್ಲೇ. ಬ್ರಾಹ್ಮಣರು ಶ್ರೇಷ್ಟ, ಶೂದ್ರರು ಕನಿಷ್ಟ, ದಲಿತರು ಗುಲಾಮರು ಅಂತಾ ಇದೆ. ಅಸಮಾನತೆ ತಾರತಮ್ಯವೇ ತುಂಬಿದೆ. ಶೂದ್ರರು ದಲಿತರು ಹಾಗೂ ಹೆಂಗಸರು ವಿದ್ಯೆ ಕಲಿಯಬಾರದು ಅಂತೆಲ್ಲಾ ಸಮಾತನ ಧರ್ಮದಲ್ಲಿದೆ ಕಣೆ. 

 

ಹೆಂಡತಿ : ಅಯ್ಯೊ ಅಯ್ಯೋ.. ನಾವು ಹೆಂಗಸರು ಕಲೀಬಾರ್ದಾ. ಯಾಕೆ ಸಾಯೋವರೆಗೂ ಮನೆಯವರ ಚಾಕರಿ ಮಾಡಕೊಂಡೆ ಇರಬೇಕಾ? ಇದೆಂತಾ ಧರ್ಮಾರ್ರೀ.. ಇದನ್ನ ನಾನು ಖಂಡಿಸ್ತೇನೆ.

 

ಗಂಡ : ಶ್ ಸುಮ್ಮಕಿರೇ. ಸನಾತನಿಗಳಿಗೆ ಗೊತ್ತಾದ್ರೆ ತಲೆಗೂ ಬೆಲೆ ಕಟ್ಟಬಹುದು. ಧರ್ಮದ್ರೋಹಿಗಳು ಅಂತಾ ಆರೋಪಿಸಿ ನಮ್ಮನೇನೇ ಸುಟ್ಟಕಬಹುದು.