ಪಾಸಾಗೋವ್ರು ಫೇಲಾಗವ್ರೆ ಹೊಡಿ ಒಂಬತ್ ( ಪ್ರಹಸನ-5)

 ಪ್ರಹಸನ-5

ಪಾಸಾಗೋವ್ರು ಫೇಲಾಗವ್ರೆ ಹೊಡಿ ಒಂಬತ್     



ಪತ್ರಕರ್ತ : ಅರೆರೆ ಯಾಕ್ರೀ ಸರ್ ಹಿಂಗಾಯ್ತು. ಎಸ್ಸೆಸ್ಸೆಲ್ಸಿ ರಿಸಲ್ಟು ಉಲ್ಟಾ ಹೊಡೀತು. 

ಭಕ್ತಾಸುರ : ಏನ್ ಏನಾಯ್ತೀಗ?

ಪತ್ರಕರ್ತ : ಮತ್ತೇನಾಗಬೇಕು. ಯಾವಾಗಲೂ ಎಸ್ಸೆಸ್ಸೆಲ್ಸಿ ರಿಜಲ್ಟಲ್ಲಿ ಟಾಪ್ ಇರಬೇಕಾಗಿದ್ದ ಉಡುಪಿ, ದಕ್ಷಿಣ ಕನ್ನಡ ಜಿಲ್ಲೆಗಳು ಈಗ 18, 19 ನೇ ಸ್ಥಾನಕ್ಕಿಳಿದಿವೆ. ಬುದ್ದಿವಂತರ ನಾಡಲ್ಲಿ ಹಿಂಗಾದ್ರೆ ಹೆಂಗೆ..

ಭಕ್ತಾಸುರ : ಹೆಂಗೆ ಅಂದ್ರೆ.. ಒಳ್ಳೇದೇ ಆಯ್ತು ಬಿಡ್ರಿ. ರಿಸಲ್ಟ್ ಮುಖ್ಯಾನೋ ಇಲ್ಲಾ ಧರ್ಮ ಮುಖ್ಯಾನೋ? ನಮಗೆ ಹಿಜಾಬು ಹಲಾಲು ಆಜಾನು ಗಳನ್ನು ವಿರೋಧಿಸೋದು ಮುಖ್ಯ. ಪೇಲಾದವ್ರೆಲ್ಲಾ ದೇಶಪ್ರೇಮಿಗಳು. ಧರ್ಮಕ್ಕಾಗಿ ಓದನ್ನೇ ತ್ಯಾಗ ಮಾಡಿದ ವೀರರು. ಅಂತವರಿಗೆ ಸನ್ಮಾನ ಮಾಡಿ ತ್ರಿಶೂಲ ದೀಕ್ಷೆ ಕೊಡ್ತೀವಿ.

ಪತ್ರಕರ್ತ : ಬುದ್ದಿವಂತರ ನಾಡಲ್ಲಿ ಹಿಂಗಾದ್ರೆ..?

ಭಕ್ತಾಸುರ: ಬುದ್ದಿ ಮುಖ್ಯಾನೋ ಇಲ್ಲಾ ಸುದ್ದಿ ಆಗೋದು ಮುಖ್ಯಾನೋ. ನಮ್ಮ ಬುದ್ದಿವಂತರೆಲ್ಲಾ ಈಗ ಧರ್ಮ ಉಳಿಸಲು ತಮ್ಮ ಬುದ್ದಿನೆಲ್ಲಾ ಖರ್ಚು ಮಾಡ್ತಾವ್ರೆ. ತಪ್ಪೆನು? ಧರ್ಮೋ ರಕ್ಷತಿ ರಕ್ಷತಾಃ.

ಪತ್ರಕರ್ತ : ಸರ್ ಇದರಿಂದಾ ಮಕ್ಕಳ ಭವಿಷ್ಯ ಹಾಳೋಗೋದಿಲ್ವಾ

ಭಕ್ತಾಸುರ : ರೀ ಸ್ವಾಮಿ ಮಕ್ಕಳ ಭವಿಷ್ಯಕ್ಕಿಂತಾ ಈ ದೇಶದ ಭವಿಷ್ಯ ಮುಖ್ಯ, ನಮ್ಮ ಧರ್ಮ ಉಳಿಯೋದು ಮುಖ್ಯ. ಎಲ್ಲರೂ ಓದಿ ನೌಕರಿ ಹಿಡಿದು ಬೆಂಗಳೂರಿಗೋ ಬಾಂಬೆಗೋ ಇಲ್ಲಾ ಬೇರೆ ದೇಶಕ್ಕೋ ಹೋಗಿ ಸೆಟಲ್ ಆದ್ರೆ ಇಲ್ಲಿ ಅಪಾಯದಲ್ಲಿರುವ ನಮ್ಮ ಶ್ರೇಷ್ಠ ಧರ್ಮ ರಕ್ಷಿಸೋರು ಯಾರು?

ಪತ್ರಕರ್ತ : ಸರ್. ಓದೋದು ಬಿಟ್ಟು ಗಲಭೆ ಗಲಾಟೆ ಮಾಡೋದ್ರಲ್ಲಿ ನಿಮ್ಮನೇ ಮಕ್ಳು ಎಷ್ಟು ಜನ ಅವ್ರೆ?

ಭಕ್ತಾಸುರ : ಇಂತವುಕ್ಕೆಲ್ಲಾ ನಮ್ಮನೆ ಮಕ್ಕಳು ಯಾಕ್ರೀ ಬೇಕು. ಬೇರೆಯವ್ರ ಮಕ್ಕಳು ಇರೋದಾದ್ರೂ ಯಾಕೆ. ಹೋಗ್ರಿ ಹೋಗಿ..

ಪತ್ರಕರ್ತ : ಮತ್ತೆ ಫೇಲಾದವ್ರಲ್ಲಿ ನಿಮ್ಮನೆ ಮಕ್ಕಳು..

ಭಕ್ತಾಸುರ : ನಮ್ಮನೆ ಹುಡುಗ್ರು ಪಾಸಾಗವ್ರೆ. ಅದೆಲ್ಲಾ ನಿಮಗ್ಯಾಕೆ? ಲವ್ ಜಿಹಾದ್ ವಿರೋಧಿಸಬೇಕಿದೆ. ಮತಾಂತರ ನಿಲ್ಲಿಸಬೇಕಿದೆ.. ಹಿಂದೂ ಧರ್ಮ ಉಳಿಸಬೇಕಿದೆ. ದೇಶಭಕ್ತಿ ಅಂದ್ರೆ ಇದು.. ಜೈಶ್ರೀರಾಂ 

ಪತ್ರಕರ್ತ : ಅಲ್ಲಾ ಸರ್..

ಭಕ್ತಾಸುರ : ಅದೇ ಈ ಅಲ್ಲಾ ಅನ್ನೋರನ್ನ ಇಲ್ಲಾ ಅನ್ನಿಸ್ಬೇಕಿದೆ. ಬಂದ್ ಬಿಡ್ತಾರೆ ಮೈಕ್ ಹಿಡ್ಕೊಂಡು ದೇಶದ್ರೋಹಿಗಳು. ವಿದ್ಯೆ ಅಂತೆ ವಿದ್ಯೆ. ಎಲ್ಲಾರ ಮಕ್ಕಳು ವಿದ್ಯೆ ಕಲಿತ್ರೆ ಧರ್ಮ ಉಳಿಸೋರು ಯಾರು? ( ಮೈಕ್ ಕಿತ್ಕೊಂಡು) ಇಂತವರೆಲ್ಲಾ ಪತ್ರಕರ್ತರಂತೆ.. ಜೈ ಭಜರಂಗಬಲಿ. ಜಾಸ್ತಿ ಮಾತಾಡಿದ್ರೆ ಇಲ್ಲೇ ಈಗಲೇ ಹಾಕ್ತಿನೋಡು ನಿಂದೇ ಬಲಿ..

ಪತ್ರಕರ್ತ : ಸರ್ ಸರ್ ಸರ್.. ನನ್ನ ಮೈಕು...

- ಶಶಿಕಾಂತ ಯಡಹಳ್ಳಿ

(ಯಾವಾಗಲೂ ಪರೀಕ್ಷೆಗಳ ಫಲಿತಾಂಶದಲ್ಲಿ ನಂ 1 ಸ್ಥಾನದಲ್ಲಿರುತ್ತಿದ್ದ ಉಡುಪಿ ಹಾಗೂ ದಕ ಜಿಲ್ಲೆಗಳು 2023 ರಲ್ಲಿ 18, 19 ನೇ ಸ್ಥಾನಕ್ಕೆ ಇಳಿದಿದ್ದವು. ಮತಾಂಧರ ಹಾವಳಿಯಿಂದಾಗಿ ವಿದ್ಯಾರ್ಥಿಗಳು ಡೈವರ್ಟ ಆಗಿ ಫಲಿತಾಂಶ ಏರುಪೇರಾಗಿದ್ದನ್ನು ಕುರಿತು ಬರೆದ ವಿಡಂಬನಾತ್ಮಕ ಪ್ರಹಸನ ಇದು.)

 

Comments

Post a Comment

Popular posts from this blog

ಅಮ್ಮಾ ಎಂದರೆ... ( ಪ್ರಹಸನ-70)

Image
ಪ್ರಹಸನ -70 ಅಮ್ಮಾ ಎಂದರೆ... ------------------- ( ಕಾಶಿರಾಯರ ಮನೆಯ ಹಾಲ್. ಅಪ್ಪ ಅಮ್ಮ ದೇವಸ್ಥಾನಕ್ಕೆ ಹೊರಟಿದ್ದಾರೆ. ಮಗ ಟಿವಿ ಮುಂದೆ ಸೋಪಾದಲ್ಲಿ ಕೂತಿದ್ದಾನೆ. ಅಜ್ಜಿ ಮೂಲೆಯಲ್ಲಿ ಬಿದ್ದುಕೊಂಡಿದ್ದಾಳೆ) ಅಮ್ಮ : ನೋಡು ರಾಮು, ನಾವು ದೇವಸ್ಥಾನಕ್ಕೆ ಹೋಗಿ ಬರ್ತೀವಿ. ಓದ್ಕೊಂಡು ಕೂತ್ಕೋ. ಅಪ್ಪ : ಆ ಹಾಳು ಟಿವಿ ಮೊಬೈಲ್ ನೋಡ್ಕೊಂಡು ಕೂಡಬೇಡಾ ಗೊತ್ತಾಯ್ತು. ಅದರಿಂದ ಏನೂ ಲಾಭ ಇಲ್ಲಾ, ಎಲ್ಲಾ ಟೈಂ ವೇಸ್ಟ್. ಅರ್ಥ ಆಯ್ತಾ. ಹೂಂ ಏನು ಅರ್ಥ ಆಯ್ತು? ಮಗ : ಅರ್ಥ ಆಯ್ತಪ್ಪಾ. ಏನಾದ್ರೂ ಲಾಭ ಇದ್ರೆ ಮಾತ್ರ ಮಾಡಬೇಕು. ಇಲ್ಲಾಂದ್ರೆ ಮಾಡಬಾರದು ಅನ್ನೋದು ಅರ್ಥ ಆಯ್ತಪ್ಪಾ. ಅಮ್ಮ : ಜಾಣ ಮರಿ. ಅಪ್ಪ ಹೇಳಿದಂಗೆ ಮಾಡು ಬಂಗಾರಾ. ಮಗ : ಆಯ್ತಮ್ಮಾ.. ಅಪ್ಪಾ ನಂಗೊಂದು ಪ್ರಶ್ನೆ.. ಲಾಭ ಇಲ್ಲದೇ ಏನೂ ಮಾಡಬಾರದೂ ಅಂದ್ಯಲ್ಲಾ. ಮತ್ತೆ ಈಗ ನೀವು ದೇವಸ್ತಾನಕ್ಕೆ ಹೋಗ್ತಿದ್ದೀರಲ್ಲಾ. ಅದರಿಂದಾ ಏನಪ್ಪಾ ಲಾಭ ಇದೆ. ಅಮ್ಮ : ಅಯ್ಯೋ ಅನಿಷ್ಟ ಮುಂಡೇದೇ. ಹಿಂಗೆಲ್ಲಾ ಕೇಳ್ತೀ ಏನೋ. ಅಪ್ಪ : ಕೇಳಲಿ ಬಿಡೆ. ನೋಡು ರಾಮು. ದೇವಸ್ಥಾನಕ್ಕೆ ಹೋದ್ರೆ ಪುಣ್ಯ ಬರುತ್ತೆ ಕಣಯ್ಯಾ. ಅಮ್ಮ : ಮೋಕ್ಷ ಸಿಗುತ್ತೆ. ಸತ್ತ ಮೇಲೆ ಸ್ವರ್ಗ ಸಿಗುತ್ತೆ.  ಮಗ : ಅದೆಲ್ಲಾ ಸತ್ತ ಮೇಲೆ ಅಲ್ವಾ ಅಮ್ಮಾ. ಸ್ವರ್ಗಕ್ಕೆ ಹೋಗಿ ಬಂದವರು ಯಾರಾದರೂ ಇದ್ದಾರೆನಮ್ಮಾ. ಈಗ ಏನು ಲಾಭ ಇದೆ ಅದನ್ನ ಹೇಳಿ ಅಪ್ಪಾ. ಅಪ್ಪ : ಏನು ಲಾಭ ಅಂದ್ರೆ.. ಅದು..  ಮಗ : ಇಲ್...
Read more

ಪ್ರಾಣ ಪ್ರತಿಷ್ಠಾಪನಾ ಪ್ರಸಂಗ (ಪ್ರಹಸನ - 72)

Image
ಪ್ರಹಸನ - 72 ಪ್ರಾಣ ಪ್ರತಿಷ್ಠಾಪನಾ ಪ್ರಸಂಗ ( ಹೊಸದಾಗಿ ಕಟ್ಟಿದ ಭವ್ಯ ಮಂದಿರದ ಮುಖ್ಯ ಅರ್ಚಕರು ತಮ್ಮ ಮನೆಯ ವರಾಂಡದಲ್ಲಿ ಕೂತು ಸುತ್ತಲೂ ನೆರೆದ ಭಕ್ತರಿಗೆ ದೇವರ ಮಹಿಮೆ ಬಗ್ಗೆ ಪ್ರವಚನ ಕೊಡುತ್ತಿದ್ದಾರೆ) ಅರ್ಚಕ : ನೋಡಿ ಭಕ್ತರೇ. ಇದು ತುಂಬಾ ಪವರ್ ಪುಲ್ ದೇವರು.‌ ಗರ್ಭಗುಡಿಯಲ್ಲಿರುವ ಮೂರ್ತಿ ಇದೆಯಲ್ಲಾ ಅದಕ್ಕೆ ಜೀವಂತ ಕಳೆ ಬಂದಿದೆ. ಭಕ್ತ 1 : ಎಲ್ಲಾ ಮೂರ್ತಿಗಳನ್ನೂ ಶಿಲ್ಪಿಗಳೇ ತಾನೆ ಕೆತ್ತಿದ್ದು ಅರ್ಚಕರೇ? ಅರ್ಚಕ : ಹೌದು. ದೇವರು ಶಿಲ್ಪಿಗಳ ಮೈಮನಸಲ್ಲಿ ಅವತರಿಸಿ ಹೀಗೀಗೆ ಮೂರ್ತಿ ಕೆತ್ತಬೇಕು ಅಂತಾ ಆದೇಶಿಸುತ್ತಾನೆ.  ಭಕ್ತ 2 : ಆದರೆ.. ಎಷ್ಟೇ ಆದರೂ ಅದೂ ಕಲ್ಲಿನ ಮೂರ್ತಿ ಅಲ್ವಾ ಆಚಾರ್ಯರೇ. ಆಚಾರ್ಯ : ಹೌದು. ನಿಮ್ಮ ಸಂದೇಹ ಸರಿಯಾಗಿದೆ. ಮೊದಲು ಕಲ್ಲೇ ಆಗಿತ್ತು. ಶಿಲ್ಪಿಯ ಕೈಚಳಕದಲಿ ಮೂರ್ತಿ ಆಯಿತು. ಮಂತ್ರಗಳಿಂದಾಗಿ ದೇವರಾಯಿತು. ಅದು ಹೇಗೆಂದರೆ ನಮ್ಮ ದೇವಸ್ಥಾನಕ್ಕೆ ಆ ನಿರ್ಜೀವ ಮೂರ್ತಿ ತಂದ ಮೇಲೆ ಪವಿತ್ರ ನದಿಗಳ ನೀರಿನಿಂದ ಶುದ್ಧೀಕರಿಸಿ, ಹೋಮ ಹವನ ಯಜ್ಞಾದಿಗಳನ್ನು ಮಾಡಿ, ಮಂತ್ರ ಶಕ್ತಿಯಿಂದಾ ಆ ಮೂರ್ತಿಯ ಒಳಗೆ ಪ್ರಾಣವನ್ನು ಆಹ್ವಾನಿಸಿ ಪ್ರತಿಷ್ಠಾಪನೆ ಮಾಡಿದ್ದೇನೆ.  ಭಕ್ತ 1 : ಅದಕ್ಕೇ ನಮ್ಮ ವಿಗ್ರಹಕ್ಕೆ ಜೀವ ಕಳೆ ಬಂದಿದೆ. ಭಕ್ತ 2 : ನೊಡೋಕೆ ಎರಡು ಕಣ್ಣೂ ಸಾಲದು. ಅರ್ಚಕ : ಶಿಲ್ಪಿಯ ಕೈಯಲ್ಲಿ ಉಳಿ ಏಟು ತಿಂದು ನೊಂದ ಕಲ್ಲಿನ ಮೂರ್ತಿಯನ್ನು ಪವಿತ್ರ ಗೊಳಿಸಿರುವೆ. ಈಗ ಅದು ಬರ...
Read more

ಭಾರತರತ್ನ

Image
ಪ್ರಹಸನ - 74 ಭಾರತರತ್ನ (ಕಾಲೇಜೊಂದರ ತರಗತಿ. ಶಿಕ್ಷಕಿ ವಿದ್ಯಾರ್ಥಿಗಳನ್ನು ಪ್ರಶ್ನಿಸುತ್ತಿದ್ದಾರೆ) ಮೇಡಂ : ಏ ಬಸು.. ದೊಡ್ಡವನಾದ ಮೇಲೆ ನೀ ಏನಾಗಬೇಕಂತ ಮಾಡಿದ್ದೀ. ಬಸ್ಯಾ : ನಾನಾ ಮೇಡಂ. ನಾನೂ ನಾನು ಬಸ್ ಕಂಡಕ್ಟರ್ ಆಗಬೇಕಂತಾ.. ನಂದೊಂದು ಇದು ಐತೆ.. ಮೇಡಂ : ಯಾಕೋ.. ಓದಿ ಕಲೆಕ್ಟರ್ ಆಗೋದು ಬಿಟ್ಟು ಇದೇನಿದು ಕಂಡಕ್ಟರ್ರು.. ಬಸ್ಯಾ : ಹೌದು ಮೇಡಂ. ರೊಕ್ಕಾ.. ಜಣಜಣ ರೊಕ್ಕಾ ದಿನಾಲೂ ಎಣಿಸಬೋದು. ಟಿಕೇಟ್ ಕೊಡೋದು ರೊಕ್ಕಾ ಇಸ್ಕೊಳ್ಳೋದು..  ಮೇಡಂ : ಹೋಗಲಿ ಬಿಡು. ಏ ಇವ್ನೆ.. ಸೋಮಾ.. ಸೋಮಣ್ಣಾ.. ನೀನೇನಾಗಬೇಕಂತೀ.. ಸೋಮ : ನಾನಾ ಮೇಡಂ. ನಾನು ನಾನೂ ಭಾರತರತ್ನ ಆಗಬೇಕು ಅಂತಾ ಅನ್ಕೊಂಡಿರುವೆ ಮೇಡಂ. ಮೇಡಂ : (ಶಾಕ್ ಒಳಗಾಗಿ) ಭಾರತರತ್ನಾನಾ. ಅದು ಪ್ರಶಸ್ತಿ ಕಣಯ್ಯಾ ಕೆಲಸ ವೃತ್ತಿ ಅಲ್ಲಾ.  ಸೋಮ : ಏನಾದ್ರೂ ಇರ್ಲಿ ಮೇಡಮ್ಮು. ಭಾರತರತ್ನ ತಗೊಳ್ಳಲೇ ಬೇಕು. ದೇಶದ ಜನ ನನ್ನ ಕೊಂಡಾಡಲೇಬೇಕು. ಮೇಡಂ : ಶಹಬ್ಬಾಸ್ ಸೋಮು. ಮಹತ್ವಾಂಕಾಕ್ಷೆ ಅಂದ್ರೆ ಹಿಂಗಿರಬೇಕು. ಭಾರತರತ್ನ ತಗೊಳ್ಳೋಕೆ ಏನು ಮಾಡಬೇಕಂತಾ ಮಾಡಿದ್ದೀ.. ಸೋಮ : ಅದು ಬಹಳಾ ಸುಲಭ ಮೇಡಮ್ಮು. ಒಂದಿಷ್ಟು ಜನಗಳನ್ನ ಸೇರಿಸಬೇಕು. ಮಸೀದಿ ಕೆಳಗೆ ದೇವಸ್ಥಾನ ಇದೆ ಅಂತಾ ತಲಿ ಕೆಡಿಸ್ಬೇಕು. ಮುಸ್ಲಿಮರ ವಿರುದ್ದ ಹಿಂದೂಗಳನ್ನ ಎತ್ತಿ ಕಟ್ಟಬೇಕು. ಮತಾಂಧತೆ ಹುಟ್ಟು ಹಾಕಬೇಕು. ಮೇಡಂ : ಆಮೇಲೆ.. ಸೋಮ :  ದೇವಜನ್ಮಭೂಮಿ ರಥ ಯಾತ್ರೆ ಮಾಡಬೇಕು. ...
Read more